उदयपुर, असोज ३० ।
उदयपुरमा अघिल्लो दिन हायस गाडी दुर्घटना हुँदा १८ जना घाइते भएकै ठाउँमा फेरि आज ट्रक पल्टीएको छ । ट्रक अनियन्त्रीत भई सडक बाहीर जाँदा अघिल्लो दिन दुर्घटनामा परेको हायसमाथि बज्रीएको हो ।

जिल्लाको उदयपुरगढी गाउँपालिका वडा नम्बर– ७ अधेँरीमा सोमवार दिउँसो हायस दुर्घटना हुँदा बालबालिका र बृद्धासहित १८ जना घाईते भएका थिए । सोही घटनास्थलमा फेरि मंगलबार बिहान ट्रक दुर्घटना भएको हो ।

हेटौँडादेखि पूर्वी पहाडी जिल्ला ताप्लेजुङतर्फ जाँदै गरेको ना ७ ख ८८८६ नम्बर ट्रक दुर्घटनाग्रस्त भई रोकि राखिएको हायसमा ठोकिदा हायस पूर्ण रुपमा क्षति भएको जिल्ला प्रहरी कार्यालय उदयपुरले जनाएको छ । ट्रकको गियर बक्स फुटेर बे्रक नलागेपछि अनियन्त्रीत भएको अनुसन्धानमा खुलेको छ ।