खोटाङ, कात्तिक ९ ।
खोटाङको जन्तेढुंगा गाउँपालिका वडा न्मबर- ५ खुटाका एक बृद्ध मृत भेटिएका छन् । छोरीको घर जाने भन्दै हिडेका ६९ वर्षीय बृद्ध रिखिराज राई सडकदेखि ३ मिटर तल लडेको अवस्थामा मृत फेला परेका हुन् ।

इलाका प्रहरी कार्यालय चिसापानी बजारका अनुसार बुधबार छोरीको घर जान्छु भनेर हिंडेका राईको घरदेखि करिब १ किलोमिटर पूर्व दिशामा बाटोमुनी लाश भेटिएको हो । राई मृत फेला परेको खबर आउनासाथ इलाका प्रहरी कार्यालय चिसापानीबाट प्रहरी टोली खटिएको जिल्ला प्रहरी कार्यालय खोटाङका डिएसपी पुरुषोत्तम खड्काले जानकारी दिए ।

शंकास्पद अवस्थामा बाटुमुनी भेटिएको लाशबारे अनुसन्धान भइरहेको खड्काको भनाई छ । शव पोस्टमार्टमका लागि उदयपुरको सदरमुकाम गाइघाटस्थित जिल्ला हस्पीटल पठाइएको प्रहरीले जनाएको छ ।