साझादर्पण
उदयपुर, वैशाख ३१ ।
नेपाल प्रहरीका नायव महानिरीक्षक (डिआईजी) चन्द्रकुवेर खापुङको शव्द रचना रहेको गीत ‘अजम्वरी जीवन हैन’ सार्वजनिक भएको छ । कोशी प्रदेश प्रहरी कार्यालय विराटनगरका प्रमुख खापुङले आफ्ना स्वर्गीय दाई त्रैलोक्य खापुङको स्मरणमा रचित गीत सांगीतिक बजारमा आएको हो ।
आईतबार गीतको म्यूजिक भिडियो डिआर प्रोडक्सन युट्युब च्यानलबाट सार्वजनिक गरिएको हो । आलोक श्रीको संगीत रहेको गीतमा गायक उदय सोताङबाट स्वरबद्ध छ । ७ मिनेट ९ सेकेन्डमा गीतिशैलीमा निर्माण भएको भिडियोको सुरुवातमै डीआईजी खापुङले दाईप्रति श्रद्धाशब्द अर्पण गरेका छन् । ‘अजम्वरी जीवन हैन, सधै बाँच्ने कोही छैन, जिन्दगीको भर के छ र रमाउला भन्दा भन्दै बितिजाने रैछ जीवन ।’ गीतमा भावुक शव्दहरु चयन गरिएको छ ।
म्यूजिक भिडियोमा सुरेश कोहली, स्मारिका ढकाल र रोशन बान्तावाको अभिनय देख्न सकिन्छ । साहस अमात्यले सहायक भूमिका निर्वाह गरेका छन् । दौलत राईको निर्देशन रहेको दृष्य रामचन्द्र राईले क्यामेरामा कैद गरेका हुन् ।
दिन्सोन राईको सम्पादनमा श्रीङ्गार सुवास तिमल्सिना, सह निर्देशन पुनम श्रेष्ठ रहेको भिडियो प्रोडक्सन म्यानेजर आइक्याच स्टुडियोको रहेको छ । दाजुभाईप्रतिको प्रेम र दुःखान्त वियोग झल्किने भिडियो र शव्दप्रति आम दर्शकले भावुक प्रतिक्रिया दिएका छन् ।
१.
२.
३.
