काठमाडौं, भदौ ३१ ।
नेपालीहरुको महान चाँड दशैं तथा तिहारको अवसरमा जापानमा सांगीतिक कार्यक्रम हुने भएको छ । शैक्षिक तथा रोजगारलगायतको सिलसिलामा जापान बस्दै आएका नेपालीहरुले सांगीतिक साँझसहित आपसमा शुभकामना आदान प्रदान गर्ने भएका हुन् ।

कार्यक्रम नेपाली समय अनुसार यही असोज २० गते आईतबार (अक्टुवर-६) तारिकका दिन आयोजना हुने हाल जापानमै रहेका गायक तथा संगीतकार टम्पशेर राईले जानकारी दिए । जापानमा रहेका नेपाली युवाहरुको संगठन ‘दौतरी जापान’ले आयोजना गर्न लागेको कार्यक्रममा स्थानीय समय अनुसार अपह्रान्ह ४ः०० बजेदेखि सुरु हुनेछ ।

कार्यक्रममा चर्चित संचारकर्मी समेत रहेका गायक तथा संगीतकार टम्पशेर राई, गायक प्रथम गुरुङ, बिपन गुरुङ, सुरेश रावल र एजिन राईलगायतको प्रस्तुती रहने आयोजक जापान दौतारीले जनाएको छ । जापानलाई कर्मथलो बनाएर बस्दै आएका सम्पूणर् नेपालीहरुलाई कार्यक्रमस्थल नारितामा उपस्थित हुन आयोजक दौतरी समूहले आग्रह गरेको छ ।