उदयपुर । उदयपुरको त्रियुगा नगरपालिका वडा नम्बर १५ मा प्रधानमन्त्री रोजागर कार्यक्रम सुरु भएको छ । आर्थिक वर्ष २०८१÷२०८२ अन्तर्गत प्रम रोजगार कार्यक्रमका सूचीकृत श्रमिकहरुलाई आवश्यक सामग्री हस्तान्तरण समेत गरिएको छ ।

त्रिनपा १५ वडा कार्यालयको लागत साझेदारीमा संचालन हुने कार्यक्रमको उद्घाटन नगर प्रमुख बशन्तकुमार बस्नेत र वडाध्यक्ष गणेशप्रसाद तिम्सिनाबाट संयुक्त रुपमा भएको थियो । रोजगारीमा खटिनका लागि पूर्वसुचीकृत श्रमिकहरुलाइ अभिमुखिकरण तथा सामग्री हस्तान्तरण र लाभग्राही परिचयपत्र वितरणसमेत गरिएको थियो । डहरमा सम्पन्न कार्यक्रममा नगर कर्मचारी, पत्रकार, उपभोक्ता समितिका पदाधिकारीसँगै सरोकारवालाको उपस्थिती रहेको थियो ।