उदयपुर, कात्तिक ३ ।
चाँडपर्व भित्रिएसँगै यात्रुको चाँप बढ्दा उदयपुरमा सवारी आवागमन समेत अस्तव्यस्त बनेको छ । आउजाउ गर्ने यातायातको संख्या बढ्दै जाँदा जिल्लाको भिभिन्न ठाउँमा दुर्घटनाको क्रम समेत बढेको छ ।

सदरमुकामदेखि केही किलोमिटरको दूरीस्थित अधेरी खोलानजिकै हायस दुर्घटना भएको घटना सेलाउन नपाउदै अर्को दिन बिहानै ट्रक पल्टीयो । त्यसलगतै सदरमुकाम गाईघाटको मेनचोकमै हायस र अटो आपसमा ठोकियो । त्यस्तै आज (शुक्रबार) पनि उदयपुरको बेलका नगरपालिका वडा नम्बर ९ स्थित रामपुर बजारमा बेग्ला बेग्लै दुई यात्रुवाहक बस आपसमा ठोक्कीएको प्रहरीले जानकारी दिएको छ ।

घटनास्थल बजार क्षेत्र भएकाले सामान्य गतिमा रहेका दुई गाडी आपसमा ठोकिदा अगाडिको सबै सिसा फुटेर क्षति पुगेको छ । मानवीय क्षति भने नभएको स्थानीय प्रहरीले जनाएको छ ।